مفتاح العزم

  هانتكلم دلوقتي على عدة مهمه جدااا يمكن كتير مايعرفهاش واللي يعرفها غالبا مايعرفش يستعملها ويحافظ عليها ازاي عشان كده ممكن تدي معاه قراءات غلط وهو مش عارف .. الفيديو ده بدأ بعباره وبحكمه جميله اوي .. بتقول الن مهارة وجودة الميكانيكي .. من جودة عدته .. وديه حكمه حقيقيه مهما كنت ماهر وعدتك وحشه هاتبوظ الدنيا وتيجي تصلح حاجه هاتبوظ حاجه تانيه ولو مش في وقتها

العده المهمه اللي هانتكلم عليها هي مفتاح العزم وهانخده بالتفصيل لان لاقيت فيه معلومات كتير جدا اكثر ماكنت متخيل انه مجرد عدة بتساعدك انك تربط مسمار بقوه معينه بحسب القوه والعزم المنصوص عليها في كتيب الاستعامل .. ولكن اتضح ان ليها طرق للعنايه بيها عشان تديك نتجيه سليمه

وهنعرض اول فيديو في الموضوع ده واللي بيشرح انواع مفاتيح العزم والتكنلولجيا المستخدمه فيها وانت عليك تحكم اني فيهم اكثر مناسبة لعملك واليكم التعليقات :

- النوع الاول هو نوع الاتصال .. وده بيقيس العزم المتحرك يعني بيقيس طول مانت بتدوس على المفتاح ويديك قرائه

- النوع الثاني هو نوع الشعاعي .. وفكرته نفس النوع السابق وهو بيقيس العزم طول مانت ضاغط على المفتاح ولكن دقته اقل من النوع السابق

- النوع الثالث وهو نوع الكليك وهو الاكثر شيوعا .. وفكرته انك بتظبط المفتاح على العزم المطلوب وبعدين بتربط بالمفتاح لغايه لما تلاقيه زي مايكون فوت كده وعمل صوت كليك

- النوع الرابع وهو مفتاع العزم الالكتورني وبيجمع بين خصائص الانواع السابقه حيث انه بيديك العزم طول مانت بتربط وفي نفس الوقت بيديك صفاره لما توصل للعزم المطلوب وفكرة استخدامه بنفس طريقة نوع الكليك ولكن ده بيتظبط بزراير.. فتبظبط العزم اللي انت عايزه ولما بتوصل للعزم المطلوب بيديك صفاره مميزه

- ونظرا لان مفتاح العزم من النوع الكليك هو الاكثر انتشارا ومعروف اكتر وفي منه اسعاره معقوله بالرغم من عدم دقتها فهانقول معلومات هامه جداا للحفاظ عليه والتاكد من انه يفضل يديك قراءه سليمه لان المفتاح ده ليه مده استخدام مش علطول وليه طريقه تخزين وتعليمات هامه وهي :

- ماتسعملوش في الربط العادي ولكن تربط بمفتاح عادي ولما توصل للاخر تربط بيه عشان ماتستهلكوش

- بعد ماتخلص استخدامه تعيد المقياس بتاع لقراءه الصفر وماتسيبوش على المقياس اللي انت اختارته عشان تحافظ علي قراءاته صحيحه واكثر من ذلك لو سيبته على اخر قراءه ممكن يخرج المفتاح من الضمان

- المفتاح يجب ان يحفظ في مكان كويس بعيد عن الخبطات وماتستعملوش في الطرق او الخبط على شيئ والا هايتلف تماما . والناس تستغرب بعد كده انه ربط بيه والمسمار فك تاني لانه مايعرفش ان ليه طريقه للحفظ والاستخدام

- العمر الافتراضي لمفتاح العزم هو 5000 كليك .. وبعد كده بيحتاج الى اعاده معايره باجهزه خاصه للتاكد من قراءاته واعاده ضبطه

واسيبكم مع الفيديو للمشاهده والاستمتاع